ATURING PANATA CARA HALAL BIL HALAL LAN SILATURAHMI

Assalaamu’alaikum WR WB
Alhamdulillahi robbil ‘alamin wa bihi wanastanginu ngala umuridunya waddin
Ashsholatu wasalaamu ngalal mursalin sayidina muhammadin wa ‘ala alihi wa ashabihi waman tabi’ahum bi ihsaniyaumiddin.
Nuwun . Dumateng ngarsanipun para sesepuh pinisepuh ingkang tuhu kinabekten, dumateng para kadang , sederek para rawuh ingkang satuhu kinurmatan lan tansah cinaketeing manah.
Sak derengipun kula matur sumangga sesarengan ngaturaken puji syukur wonten ngarsa dalem Allah SWT ingkang wonten wekdal punika sampun kepareng paring karaharjan lan kebaswarasan dumateng panjengansedaya lan kula satemah saget makempal manunggal wonten papan punika kanthi manggih wilujeng lir ing sambekala lan rubeda.
Shalawat saha salam mugi katur wonten ngarsa dalem nabi agung Muhammad SAW, dumateng keluarga ahlul bait , para sahabat nabi lan dumateng sedaya penderekipun ngantos yaumul qiyamah.
Kanthi mlinambaran trapsila ing budi miwah ngaturaken agunging pangaksami keparenga kula marak mangarsa panjenengan sedaya, inggih saking keparengipun para kadang panitia kula piniji hangaturaken runtuting laksana halal bil halal silaturahmi keluarga ageng putra wayahipun Simbah Karta Dikara.
Sagunging para lenggah ingkang satuhu kinurmatan, urut reroncening adicara ingkang sampun karancang nuninggih ;
1. Pambuka kanthi waosan Umul Kitab
2. Waosan Kalimah Toyibah
3. Sambutan Tuan Rumah
4. Sungkeman aking pihak anem
5. Atur panampi saking pihak sepuh
6. Pengaosan Hikmah halal bil halal
7. Jabat asta
8. Panutup
9. Sumene
Mekaten menggah reroncening acara ingkang bade kalampahan.
Salajengipun kanthi tansah nyadong pangayoman mring gusti Allah ingkang maha Agung mugi tumapaking adicara tansah luus raharja sakingpurwa madya ngantos wusana keparenga adicara kawiwitan kanthi waosan umul kitab sesarengan kula derekaken :
Li ridlo Ilaahi wa safaati rosulillahi Al Fatehah …
Sagung adi lenggah ingkang sinugata ing pakurmatan lumampah adicara ingkang angka kalih nuninggih waosan kalimah toyibah , dumateng ingkang sampun kajibah kula sumangga aken.
WAOSAN KALIMAH TOYIBAH
Sanggya para rawuh ingkang kula mulya aken kita lajengaken menggah acara ingkang anka tiga inggih punika atur sungkem lan salam ta’lim dumateng para sesepuh. Dumateng ingkang sampun kajibah sumangga.
ATUR SUNGKEM
Para rawuh kakung smawana putri ingkang kula mulya aken . kalajengaken atur panampi sungkem saking sesepuh pramila wekdal kula sumangga aken.
ATUR PANAMPI SUNGKEM
Sanggyaning adi lenggah ingkang minulya sampun wahyuning mangsa kala adicara angka enem nuninggih pengaosan hikmah halal bil halal, dumateng ingkang sampun piniji wekdal dipun sumangga aken.
PENGAOSAN DAN DOA PENUTUP
JABAT ASTA
SU MENE